طريقة عمل.. الفرنش توست الأصلية | French Toast Recipe

لو بتدور على وصفة فطور سريعة، لذيذة، وتديك طاقة ليومك كله، فأنت في المكان الصح! الفرنش توست French Toast هي وصفة فرنسية قديمة اتشهرت في كل العالم، وبتجمع بين البساطة والطعم الفاخر.
في هذا المقال ، هنتعرف معا على أسهل طريقة لعمل الفرنش توست بخطوات واضحة، ومكونات موجودة في كل بيت، وايضا هنتشارك بعض من الأفكار للتقديم ستجعل الطبق كما لو كان في كافيه خمس نجوم!

 المكونات:

• 4 شرائح توست (ويفضل التوست السميك أو البريوش)

• 2 بيضة

• ½ كوب حليب (يمكن استخدام حليب نباتي)

• ملعقة صغيرة فانيليا

• رشة قرفة (اختياري)

• ملعقة كبيرة سكر

• زبدة أو زيت للقلي

 طريقة التحضير:

1. في بولة كبيرة، اكسر البيض وضيف عليه الحليب، الفانيليا، السكر والقرفة، واخلطهم كويس جدًا.

2. سخن الطاسة على نار متوسطة، وضيف شوية زبدة أو زيت.

3. غمّس كل شريحة توست في الخليط من الجهتين كويس، لحد ما تتشرب.

4. حط التوست في الطاسة وسويه من كل جهة حوالي 2-3 دقائق أو لحد ما ياخد لون دهبي حلو.

5. كرر الخطوات مع باقي الشرائح.

 أفكار لتقديم الفرنش توست:

• رشة سكر بودرة على الوش.

• شوية عسل أو شراب القيقب (Maple Syrup).

• شرائح فراولة أو موز.

• مكعب زبدة فوق التوست وهو سخن .

• شوكولاتة مذابة أو نوتيلا لمحبي الحلويات .

 نصيحة سريعة:

كل ما استخدمت نوع توست أنشف أو أقدم شوية، كل ما كانت النتيجة أفضل! لأنه بيشرب الخليط  بدون ما يتهري!